വടക്കഞ്ചേരിയിൽ വീണ്ടും തെരുവുനായ ആക്രമണം രണ്ടു പേർക്ക് കടിയേറ്റു.

വടക്കഞ്ചേരി:തെരുവുനായ ആക്രമണത്തിൽ രണ്ടു പേർക്ക് കടിയേറ്റു. കിഴക്കഞ്ചേരി കോരഞ്ചിറ അമ്പിട്ടൻ തരിശ് സഹദേവൻ (60), വണ്ടാഴി ഷെഫീഖ് (52) എന്നിവർക്കാണ് കടിയേറ്റത്. വടക്കഞ്ചേരി ടൗണിന് അടുത്ത് ഡയാന ഹോട്ടലിനു സമീപം വർക്ക് ഷോപ്പ് ജീവനക്കാരനായ ഷെഫീഖിന് ജോലിക്കിടയിലാണ് നായയുടെ കടിയേറ്റത്.
പിന്നീട് ഈ നായ അല്പം മാറി സമീപത്ത് ലോട്ടറി കച്ചവടം നടത്തുകയായിരുന്നു സഹദേവനെയും കടിക്കുകയായിരുന്നു.നാട്ടുകാർ ചേർന്ന് നായയെ തല്ലിക്കൊന്നു.പട്ടിക്ക് പേ വിഷബാധ ഉണ്ടോ എന്ന സംശയിക്കുന്നു.പഞ്ചായത്ത് അധികൃതർ സ്ഥലത്തെത്തി നായയെ പരിശോധനയ്ക്ക് മാറ്റിയിട്ടുണ്ട്. ചൊവ്വാഴ്ച ഉച്ചയ്ക്ക് 12 മണിയോടെയാണ് നായയുടെ ആക്രമണം ഉണ്ടായത്.