മുടപ്പല്ലൂർ പന്തപറമ്പിന് സമീപം ബൈക്കിടിച്ച് ഒരാൾ മരിച്ചു.രണ്ട് പേർക്ക് പരിക്ക്.

വടക്കഞ്ചേരി മുടപ്പല്ലൂർ പന്തപറമ്പിന് സമീപം ബൈക്കിടിച്ച് ഒരാൾ മരിച്ചു.രണ്ട് പേർക്ക് പരിക്ക്. മുടപ്പല്ലൂർ പാക്കാട് കിഴക്കേപാറക്കൽ വേലായുധൻ (63) ആണ് മരിച്ചത്. പാക്കാട് കിഴക്കേ പാറക്കൽ സുനിൽ (30) ബൈക്ക് യാത്രികനായ നെന്മാറ അയിലൂർ സ്വദേശി കിരൺബാബു (25) എന്നിവർക്കാണ് പരിക്കേറ്റത്.ബുധനാഴ്ച വൈകുന്നേരം ഏഴ് മണിയോടുകൂടി പന്തപറമ്പ് ആയുർവ്വേദ ആശുപത്രിക്ക് സമീപമാണ് അപകടം സംഭവിച്ചത്. വേലായുധനും, സുനിലും റോഡ് മുറിച്ച് കടക്കുന്നതിനിടെ കിരൺബാബു സഞ്ചരിച്ച ബൈക്ക് ഇരുവരെയും ഇടിക്കുകയായിരുന്നു. വടക്കഞ്ചേരിയിൽ നിന്നും നെന്മാറ ഭാഗത്തേക്ക് പോവുകയായിരുന്ന ബൈക്കാണ് അപകടത്തിൽ പെട്ടത്.അപകടത്തിൽ പരിക്കേറ്റവരെ നെന്മാറയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും വേലായുധൻ മരിച്ചു.മൃതദേഹം നെന്മാറ സ്വകാര്യ ആശുപത്രി മോർച്ചറിയിൽ.