കാട്ടുപന്നി തട്ടി ഓട്ടോ മറിഞ്ഞു; ഡ്രൈവർക്ക് ഗുരുതര പരുക്ക്.

വണ്ടാഴി : കാട്ടുപന്നി തട്ടി ഓട്ടോ മറിഞ്ഞു വാഹനത്തിൻ്റെ അടിയിൽപ്പെട്ട ഡ്രൈവർക്ക് ഗുരുതര പരുക്ക്. വണ്ടാഴി കീഴ്പാല രമേഷ് (44) നാണ് പരുക്കേറ്റത്. ബുധനാഴ്ച വൈകീട്ട് ഏഴരയോടെ ചിറ്റിലഞ്ചേരിയിലേക്ക് ഓട്ടം പോകുമ്പോൾ വെള്ളാരക്കോട് വച്ച് കാട്ടുപന്നി വട്ടം ചാടുകയായിരുന്നു. കാട്ടുപന്നി വാഹനത്തിൽ ഇടിച്ചതോടെ ഡ്രൈവർ സീറ്റിൽ നിന്നും താഴേക്ക് വീണ രമേഷിൻ്റെ മേലെ ഓട്ടോ മറിഞ്ഞ് വീഴുകയായിരുന്നു. ഓട്ടോയിലുണ്ടായിരുന്ന യാത്രക്കാരന് പരുക്ക് കൂടാതെ രക്ഷപ്പെട്ടു. യാത്രക്കാരനും ഈ സമയം ആ വഴി വന്ന ബൈക്ക് യാത്രക്കാരുടേയും വാർഡ് മെംബർ എം ശിവദാസൻ്റെയും മറ്റും സഹായത്തോടെ വാഹനം ഉയർത്തി പുറത്തെടുത്ത രമേഷ് ചിറ്റൂരിലെ സ്വകാര്യ മെഡിക്കൽ കോളജിൽ ചികിത്സയിലാണ്. മൂന്ന് വാരിയെല്ല് പൊട്ടുകയും നട്ടെല്ലിന് ഗുരുതരമായി ക്ഷതമേൽക്കുകയും ചെയ്ത രമേഷിന് നാല് മാസമെങ്കിലും മുഴുസമയ ചികിത്സ വേണ്ടി വരുമെന്നാണ് ഡോക്ടർമാർ പറഞ്ഞിരിക്കുന്നത്.

You May Also Like

Leave a Reply

Your email address will not be published. Required fields are marked *