സിപി ഐ എം വടക്കഞ്ചേരി ഏരിയാസമ്മേളനം ഇന്നും നാളെയുമായി മുടപ്പല്ലൂരിൽ നടക്കും.

വടക്കഞ്ചേരി: സിപി ഐ എം വടക്കഞ്ചേരി ഏരിയാസമ്മേളനം തിങ്കൾ, ചൊവ്വ ദിവസങ്ങളിലായി മുടപ്പല്ലൂരിൽ നടക്കും. തിങ്കളാഴ്ച രാവിലെ 10 ന് പി കെ വിശ്വനാഥൻ നഗറിൽ (മുടപ്പല്ലൂർ പങ്കജഓഡിറ്റോറിയം) സി പി ഐ എം സംസ്ഥാനകമ്മിറ്റി അംഗം സി കെ രാജേന്ദ്രൻ ഉദ്ഘാടനം ചെയ്യും. ജില്ലാ സെക്രട്ടറിയേറ്റ് അംഗങ്ങളായ പി മമ്മിക്കുട്ടി, എസ് അജയകുമാർ, ടി എം ശശി എന്നിവർ പങ്കെടുക്കും. 3-ന് വൈകുന്നേം 3 ന് പങ്കജഓഡിറ്റോറിയത്തിന് സമീപത്ത് നിന്നും ചുവപ്പ് സേന വളണ്ടിയർമാർച്ചും, ബഹുജനറാലിയും നടക്കും തുടർന്ന് സീതാറാം യെച്ചൂരി, കൊടിയേരി ബാലകൃഷ്ണൻ നഗറിൽ (മുടപ്പല്ലൂർ ടൗൺ ) നടക്കുന്ന പൊതുസമ്മേളനം സി പി ഐ എം പോളിറ്റ് ബ്യൂറോ അംഗം എ വിജയരാഘവൻ ഉദ്ഘാടനം ചെയ്യും. ഏരിയക്ക് കീഴിലെ 10 ലോക്കൽ കമ്മിറ്റിയിൽ നിന്നും ഏരിയാകമ്മിറ്റി അംഗങ്ങൾ ഉൾപ്പെടെ 154 പ്രതിനിധികൾ സമ്മേളനത്തിൽ പങ്കെടുക്കും.